Barucchinu
Quellu vechju Barucchinu
Drittu cum,è u sgio merre,
Di caràtteru agninu,
Era u nostru sumere.
Ochji dolci, unt’è finu,
Bianc’ è grisgiu, fort’in boce,
Arburava, nant’à u spinu,
A più bella di e croce
Un c’era some di legne,
Nemmenu sporte d’alive :
Caminava, senza piegne,
Per e so strette spurtive.
Ziù Sesè si n’occupava :
U imbastava ogni mani ;
Ogni sera u capiava
Ind’u so chjosu da vint’anni.
Purtentu la manatoghja,
Tinendu lu cavizzonu,
Babbonu francava a loghja,
Fieru quant’è un paonu.
Ghjaseppu Maria Colombani